Kapacitetet e Qendrave për Punë Sociale (QPS) në Prishtinë, Pejë dhe Gjilan në ofrimin e shërbimeve gjithëpërfshirëse për fëmijët (2025)

Në këtë kontekst, ky hulumtim synon të analizojë gjendjen e Qendrave për Punë Sociale në tri komuna të Kosovës, me theks të veçantë tek mbështetja për fëmijët me aftësi të kufizuara, duke nxjerrë në pah sfidat, boshllëqet dhe mundësitë për përmirësim të shërbimeve.

Ky hulumtim nuk ka për qëllim vetëm të dokumentojë gjendjen ekzistuese, por edhe të ndihmojë në krijimin e një baze argumentuese për avokim dhe reforma të mëtejshme. Duke sjellë në fokus përvojat e QPS-ve në Prishtinë, Pejë dhe Gjilan, si dhe duke i krahasuar ato me kornizën ligjore dhe praktikat e rekomanduara ndërkombëtare, synimi është të nxitet një debat më i gjerë mbi rolin e shërbimeve sociale dhe familjare në mbrojtjen e fëmijëve me aftësi të kufizuara dhe mbi mënyrat se si këto shërbime mund të bëhen më gjithëpërfshirëse, të qëndrueshme dhe të qasshme për të gjithë.