Udhëzues për fëmijët me aftësi të kufizuara dhe prindërit/kujdestarët e tyre për përfshirje në procesin e buxhetimit me pjesëmarrje (2025)

Ky udhëzues është për ju – për fëmijët me aftësi të kufizuara dhe për prindërit/kujdestarët që i mbështesin ata. Ju keni ide të vlefshme. Ju e njihni më mirë se kushdo lagjen, shkollën dhe vendin ku jetoni. Pikërisht për këtë arsye, është e rëndësishme që zëri juaj të dëgjohet kur komuna vendos si të shpenzojë para për projekte publike.

Të gjithë fëmijët me aftësi të kufizuara, bashkë me familjet e tyre, kanë të drejtë të dëgjohen e të marrin pjesë në vendime që ndikojnë te jeta e tyre. Kjo e drejtë mbrohet nga Kushtetuta e Kosovës, nga Konventa për të Drejtat e Fëmijës (neni 12) dhe nga Konventa për të Drejtat e Personave me Aftësi të Kufizuara (neni 7). Ato kërkojnë që institucionet të dëgjojnë mendimin tënd dhe t’i marrin seriozisht idetë që ti i sjell.