Udhëzues për prindër – kontribuesit më të rëndësishëm në zhvillimin optimal të fëmijës

Fëmijëria e hershme nënkupton periudhën nga ngjizja e frytit në barkun e nënës deri rreth moshës 8 vjeçare. Kjo periudhë njihet si periudha më e rëndësishme e zhvillimit të individit duke marrë parasysh zhvillimin e hovshëm që ndodhë si në aspektin fizik, emocional dhe intelektual. Përgjatë këtyre viteve të hershme fëmijët i mësojnë të gjitha sjelljet të cilat e karakterizojnë natyrën njerëzore – të ecin, të flasin, të mendojnë dhe të shoqërohen. Dhe tërë këto procese të rëndësishme ndodhin përgjatë 2-3 viteve të para të jetës.