Raporti i analizimit të barrierave në legjislacion, politika dhe praktikë të përfshirjes së personave me aftësi të kufizuara në aftësimin profesional në Kosova

Qëllimi i këtij raporti është të analizojë kornizën ligjore dhe politikat që lidhen me aftësimin profesional në Kosovë dhe të identifikojë barrierat që lidhen me përfshirjen e plotë dhe cilësore të personave me aftësi të kufizuara në këtë segment. Raporti është hartuar mbi bazën e një analize të legjislacionit relevant primar dhe sekondar, me theks në identifikimin e atyre aspekteve që mund të ndërhyjnë në përfshirjen e personave me aftësi të kufizuara në aftësim profesional. Identifikimi i këtyre barrierave, është parakushti i nevojshëm për adresimin e tyre në nivel institucional. Pra, adresimi i tyre është ngushtë i ndërlidhur me një varg veprimesh institucionale që harmonizojnë kornizën ligjore, politikat dhe praktikën e përfshirjes së personave me aftësi të kufizuara në aftësim profesional.